Aлкалоид борбено со АЕК, на крајот на шесто место

  • 20.08.2022
  • Вести
СТРУГА ПОСЛЕДЕН ДЕН
Меч за 7. место:
СТРУГА - БУТЕЛ СКОПЈЕ  26-24
Меч за 5. место:
АЕК - АЛКАЛОИД  29-26
Меч за 3. место
19:15 ТАТРАН ПРЕШОВ - ВАРДАР 1961
Финале:
21:15 Е. ПЕЛИСТЕР - ЦЕЛЈЕВременските прилики во Струга денеска не беа наклонети кон органзаторот на турнирот. Врнежливото време ги пресели екипите во салата „Нико Нестор“.
Први на терен беа Струга и Бутел Скопје во битка за седмото место и победи домашниот состав (28-26)





АЕК од Грција и Алкалоид се сретнаа во битката за петтото место. Уште еден натпревар на кој Алкалоид покажа дека може да игра против позвучни екипи, иако победата беше за грчкиот тим. 

Лошо отвори македонскиот состав. Реализацијата беше сериозен проблем на оваа средба на која само во првите 12 минути пропуштија шест зицери (две контри еден на еден, шут на празен гол, седмерец). Со други зборови можеме да кажеме дека голманот Иван Мацкевич му даде ритам на натпреварот каков што сакаа Грците, а и понатаму во текот на мечот во неколку наварти спречуваше налет на Алкалоид и реално е играч на натпреварот. 

И покрај нереализираните шанси по 15 минунти резултатот беше егал, но ги истроши своите џокери скопскиот тим, па следеше серија од 3-0 за прво поосетно водство на АЕК (10-6).  Разликата од 3-4 гола се одржа до крајот на првиот дел (16-13). 

Алкалоид имаше добар старт на второто полувреме и по осум минути игра и ефикасна и убава за око успеа да израмни (18-18). Имаше шанса и да поведе и откако не ја искористи следеше казна и три гола по ред за АЕК и водство од 21-18, потоа и 22-20.
Алкалоид одновно се доближи (21-22), одново имаше шанса и за реми и откако и таа шанса не беше искористена следеше сеија од 4-0 за АЕК и водство од 26-21 и 27-22 на 10 минути до крајот. 

Ова практично беше решен победникот, но Алкалоид уште еднаш притисна, намали на 25-27, но немаше до крајот шанса за пресврт и средбата заврши со победа на грчкиот тим од 29-26.

Поврзани вести

Алкалоид со реми до трето место во Струга
Вечерва ќе се игра финале во Струга
Што не чека после Струга? Доаѓа бурна недела
Ви се допаѓа текстот?
Кликнете Like на нашата FB страница и станете дел од g-sport.mk