Денеска стартуваше Афрканското првенство. Прв меч судеа и македонските судии Ѓорѓи Начевски и Славе Николов. Им судеа на Конго и Сенегал. И имаа што да видат. 



Конго го совлада Сенегал 31-26 (14-15) на првиот ден од шампионатот на Африка од каде се обезбедува пласман на СП 2023 Полска и Шведска.
Победничкиот тим покрај легендарниот Готје Мвумби имаше на јавноста да и покаже уште нешто ново. 

Поранешните репрезентативци на Франција и довчера ракометари на Вардар, Оливие Њокас и Кевин Њокас сега се натурализирани и играат за репрезентацијата на Конго!
Двајцата постигнаа по три гола на својот дебитански меч за новата татковина. 

Ако не знаевте:  Целото име Оливие Њокас е (Guy Olivier Massaca Nyokas Zalamou) а на Кевин  е (Alix Kévynn Manouana Nyokas Zalamou). Родени се во Франција, но по потекло се од Конго. Нивното играње за Конго е дел од платформата „Ракометно Обединета Африка“ (Africa Hand United) и дел од француско-конгоанската соработка. Договорот е постигнат уште во мај 2020 година.