Македонија ќе игра за бронза на Медитеранските игри

ЕГИПЕТ - МАКЕДОНИЈА 34-20 (16-10)
Македонија: Кизиќ, Гогов, Ѓоргиев 1, Костески 2, Младеновиќ 1, Јагуриноски 3, Стојковиќ 3, Петар Атанасиевиќ 1, Џонов 3, Митев, Петковски 1, Иваноски, Серафимов, Симоноски, Павле Атанасиевиќ 3, Петров 2

Машката репрезентација на Македонија ќе игра за бронзен медал на Медитеранските игри во Оран, против поразениот од дуелот меѓу Шпанија и Србија.

Денеска, македонскиот тим очекувано беше поразен од селекцијата на Египет, предводена од Гарсија Парондо, поранешниот тренер на Вардар и освојувач на ЛШ во 2019 година.

Велиме очекуван пораз, затоа што Египет е една од најсилните екипи не само на МИ, туку тим што се бори за медал на Светските првенства, а во Оран беше дојден со најсилниот состав.
Згора на тоа, Парондо за полуфиналето го доведе и Али Зеин од Барса, играч што не беше во тимот на досегашниот дел од турнирот. Али Зеин беше и стартер во екипата на Египет денеска.

Без оглед на тоа, Македонија беше сосема рамноправен противник во првите 25 минути од мечот. Иако Египет поведе 4-1, Македонија се врати резултатски и во следниот период беше само гол до два заостатот (6-7, 8-9). Имавме добри акции, но и неколку грешки што беа казнети и Египет поведе со три гола разлика, за во последните пет минути од полувремето да одигра поквалитетна одбрана и од 11-9 постигна пет гола по ред и на одмор се замина со резултат 16-10.

Предводен од браќата Елдера, Египет по 40 минути имаше плус 10 (22-12), а потоа во тој ритам продолжи мечот. Македонија успеаваше да се одржи на едноцифрен минус. Марко Стојковиќ, Павле Атанасиевиќ или пак Џонов ќе погодеа, ќе успеевме да се одбраниме, па во 50 минута беше 19-27.

Но, Египет имаше поквалитетна ротација, држеше темпо што нашите ракометари во последните десет минути од натпреварот не можеа да го следат, па во 24 минута беше 31-19 за противничкиот состав. Конечно, победа на Египет 34-20.
Македонија утре ќе игра за бронзен медал.

Македонија ќе игра за бронза на Медитеранските игри

Поврзани вести

Популарни вести

Најнови вести

За нас

Тагови

Колумни

Најнови вести