Голден Арт го задржа капитенот

  • 30.05.2022
  • Вести, Трансфери
Екипата на Голден Арт потпиша нов договор со капитенот и ќе го задржи уште најмалку две сезони. 


Глигор Гајиќ (22), поранешен играч на Струга, Металург и од 2020 на Голден Арт ја продолжи верноста со клубот за нови две сезони и ќе го води тимот кој обезбеди враќање во Супер лигата најмалку до јуни 2024 година. 

Голден Арт со право е задоволен од постигнатиот договор, затоа што 22 годишниот Глигор Гајиќ, е еден од најдобрите млади македонски ракометари, а има и репрезентативно педигре, настапуваше за кадетската и јуниорската репрезентација на Македонија. 

„Задоволен сум што ја остваривме целта и експресно се вративме во супер лигата, чест ми е што ја продолжуваме соработката со клуб кој премногу вложува во македонските играчи и придонесува за развојот на ракометот во Македонија. Гледам само позитивно и оптимистички за иднината на клубот во супер лигата, ќе работиме напорно, професионално и заедно чекориме кон нови успеси во супер лигата“ , изјави Гајиќ за клупскиот профил.


Ако не знаевте: За Глигор Гајиќ е поврзан еден ракометен куриозитет каков што ретко се гледа. Пред неколку сезони, поточно во 2018 година, во рамки на два дена играше за три клуба. Настапи за Металург 2 во домашната Супер лига, следниот ден играше за тогаш проволигашката Струга со која имаше двојна регистрација, а истата вечер беше во ростерот на првиот тим на Металург на меч од СЕХА лигата со Целје. 

Поврзани вести

Бенфика ја освои Европската лига!
Охрид се раздели со дури 11 играчи!
Горан Андоновски повторно во Охрид
Ви се допаѓа текстот?
Кликнете Like на нашата FB страница и станете дел од g-sport.mk