Јована Кипријановска, македонската репрезентативка, заминува од екипата на Куманово и следната сезона ќе настапува за клуб од Франција.
Јована Кипријановска, чија кариера главно е ориентирана во екипата на Куманово, на есен ќе им прв меѓународен предизвик.
20 годишниот десен бек се договори за трансфер во францускиот клуб Авенсоа. Тоа е екипа од Д2, но не е непозната за македонската јавност, затоа што не толку одамна таму тренер беше Иван Марковски.
Кипријановска има статус на репрезентативка на Македонија, но не е на последните списоци на Љубомир Савевски. Можеби играњето во Франција ќе и помогне одново да се најде во фокусот кај селекторот и да се избори за место во тимот што во ноември на домашен терен ќе игра на Европското првенство.