5. Хрватскиот тренер Горан Перковац, тренер со кого многупати наши екипи вкрстувале копја нема да добие нов договор. Перковац (59), најголемиот дел од тренерската кариерата го мина во Швајцарија, а повремено се наоѓаше и на списоците за кандидати за селектор на Хрватска, иако никогаш, барем н досега не стана изборник. 
Тој во моментов е тренер на Луцерн, но нема да добие нов договор на крајот на сезоната и станува слободен агент. 



4. Голманот на белорускиот Мешков Брест, Иван Мацкевич по завршувањето на сезоната ќе замине од белорускиот клуб и ќе застане на голот на грчката екипа АЕК Атина, годинешен противник на Еурофарм Пелистер во Европската лига. 

3. Холандската ѕвезда Естевана Полман (29) и данскиот Есбјерг подолго време се во конфликт што резултираше со отказ на крајот на сезоната. Ракометарката која покрај тоа што е топ класа играч, е позната и по тоа што е сопруга на фудбалерот Рафаел Ван Дер Варт, во финалната „епизода“ револтирано објави дека место средба со клубот на која требало да се дискутира за иднината и како да се реши конфликтот, добила меил во кој е известена дека во јуни и завршуваат обврските кон клубот. 

2. Француското крило Иго Деска, еден од најдобрите француски стрелци одбил нов договор со Монпеље. За францускиот играч се интересираат неколку големи клубови, меѓу кои РНЛ, Пик Сегед итн. веројатно е најблиску до договор со Веспрем каде би заиграл од 2023. 

1. Рение Табоада, кубанскиот бек што игра за Еурофарм Пелистер ќе има врвен тренер во неговиот нов клуб - Фредериција од Данска. Гудмундур Гудмундсон го продолжи договорот со Исланд и паралелно ќе ја води и оваа данска екипа.