Тешка ноќ е пред македонските репрезентативци. Денеска го запишаа вториот пораз, на натпревар што верувавме дека можеме да го добиеме. 





„Срам ми е да излезам на терен против Данска пред овие наши навивачи. Тие заслужуваат многу повеќе во однос на тоа што го покажавме. Навистина немам коментар, не знам што да кажам.
И вчера реков дека самите сме виновни и дека треба да ги поправиме тие технички грешки, а денеска направивме уште повеќе грешки.
Не знам кај е проблемот. Сите зборуваат за некоја нова Македонија, да смениме нешто, да не бидеме само пензионерска, да трчаме... Ама ние трчаме како без глава.
Црна Гора ни покажа како се бори, ние не се боревме и заслужено нѐ победија“, додаде Кузмановски.