Мундијалот во Шпанија фаќа залет, а вистинската забава на СП почнува денеска. Меѓу другото, ќе играат Норвешка - Казахстан, Шведска - Узбекистан, Холандија - Порторико и Романија - Иран.



Поранешната вардарова ракометарка Камила Херем постави нов рекорд. Мундијалот во Шпанија е 17 големо натпреварување (СП, ЕП, ОИ) на кое таа игра, по ред. Најмногу такви настапи (20) има Катрине Лунде, но таа има пауза и „само“ 14 големи натпреварувања по ред. 

Данска се „смрзна“ во Гранољерс. Насловите во данските медиуми кои традиционално штом излезат од скандинавијата бараат влакно во јајцето, денеска се насочени кон организаторот.
Во салата во Гранољерс било премногу студено. Играчите што се на клупата, морале да се покриваат со пешкири, тренерки за да се затоплат. Организацијата е благо кажано наречена скандалозна. 

Тунис направи хаос на тренингот пред мечот со Данска. Имено, данската ТВ2 интервјуирала две ракометарки на Тунис, со дозвола од нивниот тим и според пропис. Но, кога од тунискиот тим виделе дански камери, направиле хаос и барале целиот материјал да биде избришан, затоа што се сомневале дека ТВ2 им го снима тренингот. Со часови се расправале со помош на преведувач за да се докажат дека не ги снима Данска федерација, туку ТВ оператор кој ги има сите дозволи. Подоцна се одигра и мечот што заврши 34-16 за Данска. 

Скапо ја платија лесната победа над Тунис Данците. Нивниот плејмејкер Миа Реј, се судри со свој соиграч, по што остана да лежи на теренот, а нејзините врисоци од болка (колено) оставија најдлабок печат на шампионатот. Не се знае точно дијагнозата, но Данска доведе резервен играч. 

Репрезентацијата на Иран денеска ќе дебитира на СП: Тоа ќе биде прв настап на женска репрезентација на Иран на СП во ракомет во која било возрасна категорија, што е оценето како голем прогрес за оваа држава.
Ракометарките на Иран ќе играат во хеланки, ќе им бидат покриени и рацете, а ќе носат шамии (хиџаб). И тоа ќе се случува за прв пат на Светско првенство. 



Четири ракометарки на Австрија, капитенот Петра Блажек, потоа Стефани Кајзер и Нина Нидгарт и Соња Фреј се позитивни на Ковид 19. 

Крилото на Унгарија, Надин Шацл е позитивна на Ковид и оди во карантин, додека нејзината цимерка Викторија Лукач чека негативен тест за да може да настапи.