Уште еден играч кој имаше добра отскочна даска во Македонија, заврши во редовите на полскиот шампион Келце. 



Се зборуваше, шпекулираше, се знаеше... денеска и формално поранешниот бек на Металург, Халил Јагањац позираше со шал на својот нов клуб - Ломжа Келце. 

Јагањац во Келце оди како 23 годишен играч, речиси готов производ откако ќе мине четири сезони во дресот на Нексе Нашице. 
Претходно една сезона играше за Металург и тоа беше клучниот момент, иако парадоксално во Металург дојде од ПСЖ. Поточно од вториот клуб на ПСЖ, кога имаше неполни 18 години.