Денеска се игра комплетното седмо коло од машката Супер лига во кое централното место го зазема дуелот меѓу екипите на Бутел Скопје и Охрид.




Бутел Скопје и Охрид играат според моменталната табела за местото број пет, поледното безбедно место за пат во Плеј оф. 
Средбата гарантира неизвесност. Охрид изгледаше посигурно во досегашниот дел од шампионатот, но и Бутел си ја вршеше работата, па денешната средба ќе биде еден вид на мерило за односот на силите меѓу овие два тима во понатамошниот дел од шампионатот. 

Според пласманот на табелата, дерби би требало да биде и дуелот меѓу Тинекс Пролет и Вардар 1961, но годинава Вардар е играчки поквалитетен состав и доколку не се покаже на дело теоријата на Веселин Вујовиќ дека со игра каква што имаа против Монпеље би изгубиле и во домашното првенство, Т. Пролет нема на што да се надева. 

Интересно ќе биде и во „Автокоманда“, каде што Металург го дочекува Радовиш. Да не бидеме погрешно сфатени, но кризата во клубот на површина извади и добри моменти, а тие моменти имаат име и напредок како Александар Петковски, Бобан Каковски, додека Андреј Митиќ и лани добиваше голема шанса да игра. Ќе го имаме на око и Дамјан Субашевски.

Прилеп против Струга, два тима со израмнет квалитет би требало да сервираат на гледачите интересни моменти. Не би се обидувале да прогнозираме кој би победил денеска, иако домашниот терен носи и блага предност. 

Пријатното изненадување, Еурофарм Пелистер 2 денеска го пречекува ГРК Тиквеш. И овој натпревар е во редот на тие што ги препорачуваме за гледање, а ќе можете оваа, како и сите други средби да ги гледате со клик на линк подолу. 

ЛИНКОВИ

СУПЕР ЛИГА МАЖИ – КОЛО 7
16.10.2021 – САБОТА
15:00 часот РК ЕУРОФАРМ ПЕЛИСТЕР – РК СКОПЈЕ 2020
17:00 часот РК ПРОЛЕТ 62 – РК ВАРДАР 1961
18:00 часот РК МЕТАЛУРГ – РК РАДОВИШ
18:30 часот РК ЕУРОФАРМ ПЕЛИСТЕР 2 – ГРК ТИКВЕШ 2014
19:00 часот РК ПРИЛЕП – РК СТРУГА
19:00 часот РК БУТЕЛ СКОПЈЕ – ГРК ОХРИД – пренос во живо на МРТ 3