Турскиот репрезентативец Халил Озтурк е нов ракометар на Металург. Тој веќе се приклучи на тимот на подготовките на Маврово.



Халил Озтурк, турски плејмејкер со над 50 настапи за репрезентацијата е решението на Металург за централната бековска позиција за претстојната сезона. 
Озтурк и Металург веќе три недели беа во преговори за денеска, клубот да официјализира дека е постигнат договор. 
Дали неговото доаѓање значи и заминување за Марко Тарабокија ќе почекаме да официјализира клубот, но многу е веројатно дека таков ќе биде расплетот. 

Озтурк има 25 години и последно играше за турскиот тим Спор Тото, екипа од Анакра, порано позната како Мили Пјанго. 
Ростерот на Металург не  е затворен, клубот се уште е во потрага по играчи за да комплетира одредени позиции. 

Во меѓувреме, екипата се пресели на Маврово каде што одработува базични подготовки.