БУТЕЛ СКОПЈЕ - Е. ПЕЛИСТЕР  26-29 (13-16)



Е. Пелистер го совлада Бутел Скопје и ја одложи промоцијата на Вардар во нов шампион пред да се одигра возобновеното дерби на релација Скопје - Битола. 

Бутел Скопје беше рамноправен противник со реални шанси од овој дуел да излезе и со подобар резултат. Барем според движењето на резултатот, иако факт, битолчани ја контролираа средбата, но со доста потрошена енергија и без опуштање на теренот. 

Во првиот дел, дваесетина минути резултатот беше израмнуван, а потоа домашните почнаа повеќе да грешат, гостите успеаја да материјализираат дел од тоа и поведоа со 10-8, потоа и 13-9 со што си направија база за на полувреме да заминат со предност од три гола (16-13). 

Со серија од 5-1 на почетокот на вториот дел гостите дојдоа до водство од 21-14, по што дилемите беа разрешени. Домашните брзо аналураа четири гола од негативата, намалија на 21-24, но не успеаја да внесат вистинска резултатска драма., Е. Пелистер умешно се одбрани, до крајот остана на дистанцата од три гола и ги однесе бодовите за Битола, каде што во следното коло, на 20 мај, доаѓа Вардар  на финална пресметка за шампионскиот пехар.