10. Извршена е ждрепката за групите за Олимписките игри во Токио. Како обично бива едната група е силна, другата не е. На задоволство на неутралните во иста група се Шпанија, Германија, Франција и Норвешка... бонус - Бразил - Аргентина. 
Група „А“ - Шпанија, Франција, Германија, Норвешка, Бразил, Аргентина
Група „Б“ - Бахреин, Египет, Данска, Шведска, Португалија, Јапонија



9. На женскиот турнир на Олимписките игри среќата на следниов начин ги подели репрезентациите. 
Група „А“ - Ангола, Кореја, Норвешка, Ц. Гора, Холандија, Јапонија
Група „Б“ - Бразил, Франција, Унгарија, Русија, Шпанија и Шведска. 

8. Заврши сезоната за капитенот на ФТЦ и стандардната унгарска репрезентативка Анико Ковачич. Повреда на рамото е причината што таа оди на рехабилитација. Оваа ракометарка, како тинејџерка репрезентативната кариера на голем настап за прв пат ја имаше на Светското првенство во Македонија. 

Заврши сезоната за Анико Ковачич

7. Селекторот на женската репрезентација на Норвешка, Торир Хергеисон се побуни против одржување на Квалификации за ОИ. Според него на ОИ треба да одат најдобрите континентални екипи, а другите според пласманот на последното СП пред да се играат Олимписки игри. 
Хергеисон вели дека овие мали квалификациски турнири се штетни, а особена штета на угледот на ракометот прават репрезентациите што намерно губат за да добијат полесна квалификациска група за ОИ, какви што имало примери на последниот мундијал во Јапонија. 

6. Додека во Европа ќе се играат бараж натпреварите за пласман на СП Шпанија 2021, репрезентациите што требаше да играат на ЕХФ Еуро Куп ќе паузираат. Франција и Норвешка се договорија да не играат за да се заштитат од Ковид и место тоа ќе одржат кампови за подоготовки за ОИ. 

5. Рускиот талент Михаил Виноградов ќе си оди од тимот на ЦСКА Москва на крајот на сезоната. Виноградов оди во помалата Бундес лига - во Австрија. Потпиша двегодишен договор со тимот на Брегенц.

4. Австрискиот десен бек Борис Живковиќ заминува од екипата на Алпла Хард и ќе продолжи во Полска, во екипата на Азоти Пулави. 

3. Мелвин Ричардсон следните четири години ќе биде игрч на Барса. Доаѓа на местото на Јуре Доленец, кој пак своевремено го замени Кирил Лазаров. Одамна беше познато дека Ричардсон ќе оди во Барса, но одолговлекувањето на промоцијата, вметна во игра уште неколку екипи како Келце и РНЛ кои отворено кажаа дека за Ричардсон има место и кај нив. 

Тргнати дилемите, четири години ќе игра во Барса - Мелвин Ричардсон

2.  Норвешката ракометарка Мартине Хеленад која игра за Фредрикштад, со Ковид се заразила во ноември и се уште не може да се врати на терен. Неколкупати се обидувала, почнувала со тренинзи, но по секој понапорен тренинг и се враќаат симптомите. Следниот обид за кам-бек ќе го има во мај. 

1. Јапонката Ајака Икехара, ракометарка на данскиот тим Одензе, по втор пат е позитивна на Ковид 19. Таа на почетокот на сезоната паузираше, а сега одново на последното тестирање беше позитивна што беше вистински шок за нејзиниот тим. 

Ајака Икехара по втор пат е Ковид позитивна