Веселин Вујовиќ, една од најголемите ѕвезди на светскиот ракомет воопшто, поранешен тренер на Вардар и селектор на Македонија ќе добие заслуга во Шпанија за тоа што го има постигнато играјќи во оваа земја своевремено.

Веселин Вујовиќ ќе добие место во Куќата на славните во Асобал. Годинава заедно со него влегуваат и актуелниот тренер на Нант и поранешен шпански репрезентативец Алберто Ентрериос, потоа тренерот Валеро Ривера, екс голманот на Атлетико и Барселона – Лоренцо Рико и ракометниот судија Кристина Фернандез Пињеиро.