Photo: RK Vardar

ВАРДАР 1961 – СТРУГА 40-26 (19-11)

Вардар ја одработе последната домашна работа во регуларниот дел од сезоната и ја совлада екипата на Струга со 40-26 (19-11).
Пред почетокот на натпреварот со едноминутно молчење им беше оддадена почит на настраданите во трагичниот настан во Кочани минатата недела.
На теренот, фаворитот ја оправда улогата и уште од почетокот направи решавачка предност (8-2, 9-3...).
Украинецот Димитро Хориха со седум гола, Милан Лазаревски и Хансер Родригез со по шест погодоци беа први на списокот на стрелци во победничкиот состав, а во екипата на Струга најдобри реализатори беа Александар Стојков и Немања Џигероски со по шест погодоци.



ГРК ТИКВЕШ – ФРУИТЛЕНД БОРЕЦ 29-24 (14-15)
Кавадарчани запишаа очекувана победа над велешкиот ривал во последното коло од првиот дел од сезоната во Суперлигата. Со вечерашниот триумф практично го запечатија и редоследот на табелтата на екипите што ќе играат во Плејаут, имајќи предвид дека и Струга остана без бодови.
Интересно, гостите отворија подобро и водеа сѐ до резултат 21-20, вклучувајќи овде и предност од еден гол на полувремето (15-14).
Откако израмни кавадаречкиот тим, од резултат 23-23 постигна и четири гола во серија, поведе со 27-23 и потоа сѐ беше во нивни раце до крајот на мечот.
Димитар Коцев со седум и Кристијан Анастасовски со шест гола беа најдобрите стрелци во кавадаречкиот тим, додека кај гостите најдобар стрелец беше Бразилецот Габриел Гуедеш со пет постигнати погодоци.