Ден пред собирот на македонската репрезентација за квалификациските дуели со Словенија, на суперлигашката сцена ќе се комплетира претпоследното 21 коло од првата фаза на шампионатот.

Во центарот на вниманието е дуелот што ќе се игра во Охрид каде што ќе гостува екипата на Вардар 1961.
На табелата е речиси јасно каква ќе биде поставеноста на екипите. Вардар ќе биде во Топ 3 тимовите кои ќе пренесат три односно два бода во Плејоф, додека Охрид ќе го освои четвртото место и ќе пренесе еден бод во втората фаза.
Во Плејаут делот, се уште има бодовна трка меѓу Прилеп и Пролет, односно Ф. Борец, Струга и Радовиш, а денеска ќе добиеме и одговори на неколку прашања околу изгледот на конечната табела.

Мечот во Охрид е еден од последните што ќе донесе вистинско внимание во оваа фаза од првенството пред да биде направена Плејоф/Плејаут поделбата.
Охриѓани неодамна имаа релативно добар меч со Е. Пелистер и тоа треба да биде предупредување за црвено-црните, но подвлечено, Вардар е фаворитот за бодовите денеска.

Суперлига, 21 коло
МРК Куманово - Алкалоид  27-41
14:00  Струга - ГРК Тиквеш
17:00  Е. Пелистер - Бутел Скопје
18:00  ГРК Охрид - Вардар 1961
18:00  Пролет 62 - Радовиш
18:00  Фруитленд Борец - Прилеп