Италијанците имаат поинакво сфаќање и третман на ЕХФ Куп и без оглед што не се организирани логистички на високо ниво, дуелите со Алкалоид за нив беа посебна приказна. 
Респектот кон македонскиот тим и особено тренерот Кирил Лазаров го видовме и во Италија, каде што голем број на македонски, а меѓу нив и понекој италијански фан ги „заробија“ македонските играчи за фото и автограм. 
Во Скопје, пак, откако заврши двобојот, дел од ракометарите на италијанскиот состав дисциплинирано во ред си застана за фотографија со во светски рамки легендарниот ракометар, Кирил Лазаров.