Германскиот тим Бергишер денеска го промовираше своето засилување за следната сезона на пивотменската позиција. Ларс Коиј, холандскиот пикер кој игра за Вардар 1961 потпиша договор со германскиот тим и ќе се пресели таму без оглед на тоа дали Бергишер ќе успее да се врати во најсилната германската лига или како и сезонава ќе настапува во Втората Бундеслига.
Во моментов шансите за враќање во елитата им се добри, на второто место се бод помалку и натпревар помалку од лидерот Хутенберг, но веднаш зад нив со бод заостанување се Минден и Балинген и тешко е да се предвиди расплетот.
Ларс Коиј таму би останал најмалку две сезони. За клупскиот сајт на Бергишер изјави дека преговрите биле брзи и дека одлуката да потпише за Бергишер била лесна.