Македонија, утре против Катар ќе игра за подобра позиција во групата и следствено во конечниот пласман. Противникот е опасен и искусен, репрезентациите се со сличен квалитет според досегашните резултати и сцената е наместена за да гледаме уште еден убав меч. 
"Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Нѐ очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат“, изјави селекторот Лазаров.