Photo: FC Barcelona

Докторскиот тим на Барса му даде дозвола на капитенот на француската репрезентација Дика Мем да настапи на Светското првенство што почнува другата недела и за прв пат ќе биде организирано во три држави, Хрватска, Данска и Норвешка.
Десниот бек на Барса се повреди во ноември минатата година, го дислоцираше десното, нешутерско раме и докторите воопшто не беа оптимисти околу неговото враќање на терен навреме. Тој беше опериран на 20 ноември и предивдената пауза беше два до два до три месеци. Но, Мем успеа да се врати малку побрзо од очекуваното и ќе биде во составот.

Но, селекторот Гијом Жил беше упорен и не се откажа од Дика Мем, патем нити од Елоим Пранди и ја чекаше последната докторска препорака.
Барса потврди дека Дика Мем има зелено светло, но останува фактот дека речиси два месеца нема играно ракомет и директно ќе излезе на жешка сцена.
Франција во Главната рунда ќе биде противник на Македонија во Вараждин, доколку се оди според планот во Прелиминарниот дел од првенството.