Foto: Al Ahly Handball

Веспрем е на добар пат да формира трио египетски ракометари во својот тим за следната сезона. По Јахија Елдера и потврдениот трансфер на Ахмед Хешам од Монпеље, на пат кон Унгарија наводно се пакува и пикерот Ахмед Адел.
Линискиот напаѓач е ракометар на Ал Ахли, а на Олимписките игри во Париз покажа завиден квалитет и беше конкурент и за ол стар составот, без разлика што неговата репрезентација не беше во потесниот круг на екипи кои се бореа за медал.