Photo: IHF/Kolektiff/Sasa Pahic Szabo

Хозе Марија Родригез Вакеро или скратено – Чема, селекторот на репрезентацијата на Унгарија го објави списокот на играчи со кои првиот противник на Македонија на СП ги почнува подготовките за настап на Мундијалот.
Шпанскиот тренер повика 27 ракометари од кои седум ќе бидат дел од тимот само во декември, а по новогодишните празници, откако ќе почнат финалните подготовки во тимот ќе бидат само следниве 20 ракометари:

РЕПРЕЗЕНТАЦИЈА НА УНГАРИЈА
ГОЛМАНИ: Roland Mikler (Pick Szeged), László Bartucz (Tatabánya), Kristóf Palasics (SL Benfica)
ДЕСНИ КРИЛА: Bence Imre (THW Kiel), Zsolt Krakovszki (HSG Wetzlar), Pedro Rodriguez Álvarez (Tatabánya)
ДЕСНИ БЕКОВИ: Gábor Ancsin (FTC), Zoran Ilic (HSV Hamburg), Máté Ónodi-Jánoskút (FTC)
ПЛЕЈМЕЈКЕРИ: Máté Lékai (FTC), Gergő Fazekas (Wisla Plock), Egon Hanusz (SL Benfica), Mátyás Győri (FTC)
ПИКЕРИ: Bence Bánhidi (Pick Szeged), Miklós Rosta (Dinamo Bucuresti), Adrián Sipos (Melsungen)
ЛЕВИ БЕКОВИ: Richárd Bodó (Pick Szeged), Patrik Ligetvári (Vesprém), Zoltán Szita (Wisla Plock)
ЛЕВИ КРИЛА: Bendegúz Bóka (Balatonfüred), Bence Krakovszki (Tatabánya)

Унгарија има сериозна и делумно подмладена репрезентација, но нивните млади играчи (што не би можеле да го кажеме и за македонските) имаат солидни минутажи во своите странски клубови и нивната цена на европската сцена се зголемува. Такви играчи се на пример крилото на Кил – Бенце Имре, плејмејкерот на Висла – Герго Фазекаш и десниот бек на Хамбург – Зоран Илиќ. Имаат и еден натурализиран играч, а тоа е Педро Алварез.

Овие играчи комбинирани со поискусните како Рихард Бодо, Патрик Лигетвари, Мате Лекаи и опасното офанзивно-дефанзивно трио на линијата – Банхиди – Сипош – Рошта плус вонсерискиот голман Роланд Миклер, прават една целина што на мундијалот би можела да се бори и за медал.