Актуелниот првак на Македонија, екипата на Еурофарм Пелистер денеска информираше дека билетите за натпреварот со Вардар 1961 се продадени во рекордно време од само седум минути по пуштањето во продажба и скопскиот тим ќе го чека препознатливиот пекол од трибините. 
Големата заинтересираност не е нешто за чудење, Битола цела сезона има голема посета на натпреварите од Лигата на шампионите, но дуелите со Вардар секогаш се посебни, а годинава и резултатската неизвесност во првенството само ја зголеми заинтересираноста за овој натпревар.
Дербито ќе се игра во сабота со почеток од 18:00 часот.