Легендарниот руски ракометар Тимур Дибиров, играч кој има и македонско државјанство, за два гола го мина на вечната листа на најдобри стрелци францускиот ракометар Никола Карабатиќ и сега е на второто место со 1200 постигнати погодоци во европската елита.

Ова остварување Дибиров го постигна играјќи за Чеховски медведи и Загреб, а врвот на кариерата и најдобрите ракометни денови крунисани со два победнички пехари од Лигата на шампионите ги оствари играјќи за Вардар.

На првото место со 1482 гола и уште многу години недостижен ќе биде Кирил Лазаров, најдобриот македонски ракометар.
Ова достигнување на Тимур Дибиров несомнено во иднина ќе му донесе и место во Куќата на славните и така ќе го добиеме и првиот брачен пар во ова елитно друштво имајќи предвид дека Ирина Дибирова (Полторацкаја) минатата сезона беше примена во Куќата на славните на ЕХФ.