Женската репрезентација на Македонија запиша пораз од Хрватска на првиот дуел од Кроација Куп што се одржува во Новиград.

Македонскиот состав мечот со загуби со резултат 18-26, а селекорот Кристијан Грчевски има причини да биде незадоволен, особено со прикажаното во нападот, иако и одбраната не се прослави, а особено голманите денеска немаа свој ден. 
На една недела до старт на ЕП, не може да се очекува натпревар со жесток ритам и да се ризикува евентуална повреда која колку и да е мала поради краткиот период може да биде и фактор за пропуштање на првенството.Но тоа важи и за двата тима, а денеска Хрватска релативно лесно излезе на крај со нашиот тим.

Домашниот тим поведе со 6-3 по десетина минути игра користејќи ги пропустите во нападот на нашиот тим. Македонија успеа да се одржи, при резултат 5-7 имаше напад за намалување на еден гол разлика, но тој напад заврши со украдена топка, лесен гол, што беше вовед за два врзани погодоци водство од 9-5 и прв тајм аут.

Двата тима во следниот период не се прославија, резултатот доста време беше 11-6, имаше тенички грешки, промашени седмерци итн. Македонија одновно при резултат 12-8 пропушти два напада за намалување на негативата и тоа беше казнето со два гола до крајот на полувремето, од кој последниот беше вистински подарок за домашниот тим и конечни 14-8 на полувреме.

Во вториот дел ништо суштински не е се промени. Хрватска имаше константно водство кое беше 7-8 гола разлика, за конечно мечот да заврши со резултат 26-18.

Македонија, утре од 16:00 часот ќе игра против репрезентацијата на Србија.