Ракометната федерација ги изрече казните за женските екипи на Скопје и на Гевгелија, актери на натпреварот од Куп на Македонија, меч што имаше скандалозна завршница во која двата тима во настојување да го загубат натпреварот постигнуваа автоголови и намерно го промашуваа голот.
Клубовите ЖРК Скопје и ЖРК Гевгелија се исклучени од Ракометната федерација на Македонија.
На овластените односно службените лица/тренери на екипите на Скопје и Гевгелија, Валентина Радуловиќ (овластено лице претседател на ЖРК Скопје, лиценцирана како службено лице/тренер), Веселинка Треноска (сл. лице/тренер) и Јулија Беќарова (овластено лице претседател на ЖРК Гевгелија, лиценцирана како службено лице/тренер), им е изречена забрана за вршење дејност во ракометниот спорт во времетраење од две години.

Делегатот Митко Ѓоргиевски поради пропуст во записникот при наведување на присутност на службените лица е суспендиран во времетрање од шест месеци.
Информацијата утре би требало да биде официјална, со објава во редовниот билтен на РФМ