Photo credit: Filip Viranovski

Марко Митев уште еднаш покажа дека е вонсериски талент со многу потенцијал и добрите партии во Алкалоид ги пресликува и во репрезентацијата.
Имаше одлични моменти на дуелот со Естонија и неколкупати ја креваше публиката во салата, постигнувајќи седум гола од девет обиди, сите од игра.

„Одигравме квалитетен меч со многу погодоци. Сакам да ѝ се заблагодарам на публиката која во голем број дојде да нѐ поддржи. Естонија е квалитетна репрезентација и веројатно ќе им направи проблем и на фаворитите во групата, Словенија. Се надевам дека во Литванија ќе одиграме многу подобра партија, особено во одбраната и секако дека и таму одиме на победа. Клучни беа тие неколку интервенции на Кизиќ. Тогаш и одбраната беше многу поцврста. Направивме разлика и беа тешко да се вратат“, вели Митев.