Foto: RFEMB

Одиграни се дел од натпреварите од првото коло од квалификациите за ЕП 2026. Македонија стартуваше со победа над Естонија на домашен терен, а домашни победи извојуваа и Црна Гора, минимална над Финска, Грција исто така минимално над Грузија, Унгарија над Словачка, Исланд над БиХ, Фарски острови над Косово, Србија над Летонија и Чешка над Луксембург. 
Интересно беше на мечот што се играше во Валенсија каде што топ фаворитот Шпанија се сретна со Италија. Шпанците настапија без неколку познати играчи (Алекс, Алеиш Гомез), но со договолно силен тим и малку недостасуваше за да посрамотат и благодарение на два симултни исклучувања направија пресврт. 
Италија беше во игра до последен момент, во 56 минута беше нерешено, а потоа во 57 и 59 минута Тарафета постигна голови со кои Шпанците стигнаа до плус два, за конечно мечот да заврши со резултат 31-30. 
Италијанците откако минатите квалификации ја шокираа Црна Гора, сега одново покажаа високо ниво, а предводени се од близнаците Марко и Симоне Мињон кои се развиваа во центарот за формации на Монпеље и новата аквизиција, поранешниот јуниорски репрезентативец на Шведска, Микаел Хелмерсон кој има и шведско и италијанско државјанство, а за сениорски тим ги одбра Италијаните. Хелмерсон (21) постигна седум погодоци на овој меч. 
Најголема драма имаше во Грција каде што домашниот тим со гол на четири секунди до крајот минимално ја совлада Грузија за која настапија низа ракометари познати од нашето првенство (Орјоникидѕе, Рустамов, Дикаминџија, Цинцадѕе...)

КВАЛИФИКАЦИИ ЗА ЕП 
1. КОЛО (6/7.11.2024)
ГРУПА „1“: Македонија - Естонија (37-33) Словенија - Литванија
ГРУПА „2“: Ц. Гора - Финска (29-28), Унгарија - Словачка (37-32)
ГРУПА „3“: Грција - Грузија (27-26), Исланд - БиХ (32-26)
ГРУПА „4“: Шпанија - Италија (31-30), Србија - Летонија (38-25)
ГРУПА „5“: Чешка - Луксембург (23-17), Хрватска - Белгија
ГРУПА „6“: Холандија - Украина, Ф. Острови - Косово (32-21)
ГРУПА „7“: Германија - Швајцарија, Австрија - Турција
ГРУПА „8“: Португалија - Романија, Полска - Израел