Уште два дена остануваат до првиот меч од квалификациите за ЕП 2026, а Македонија на домашен терен ќе се сретне со репрезентацијата на Естонија. Иако Естонија има квалитетен тим во кој има познати ракометари, Македонија според досегашните резултати, ќе ја има улогата на фаворит на овој дуел. 
Тимот го имаше првиот собир, сега се работи на тактиката за првата средба. 

„Имаме позитивна енергија кај сите играчи во тимот. Покажавме дека Македонија во квалификациите игра добро и таа форма треба да ја одржиме и понатаму. На мечот со Фарски острови покажавме како треба да изгледаме во иднина. Нема никого да потцениме, како и досега. Првиот натпревар ќе го играме дома, против Естонија и мислам дека заслуживме публиката да не поддржи во голем број. Ние сме млада екипа, но имаме доволно искуство и тоа треба да го покажеме на терен и се надевам дека Македонија ќе се пласира на ново големо натпреварување“, изјави Кузмановски.