Во исчекување Пелистер да го објави името на новиот тренер, а тоа според нашите официјално непотврдени информации би требало да биде словенечкиот тренер Бранко Тамше, битолчани денеска ќе се сретнат со данската Фредериција на натпревар од Лигата на шампионите.

На оваа средба нов играч ќе има во редовите на македонскиот првак. Во составот за денешниот меч е пријавен египетскиот пикер Мамду Шебиб Мохамед. Египетскиот ракометар ќе дебитира вечерва, во составот се двајцата браќа Петар и Павле Атанасијевиќ, а ќе го нема репрезентативецот Цветан Кузманоски.