Денеска со почеток од 18:45 часот во Данска ќе се игра натпреварот од Лигата на шампионите меѓу екипите на Фредериција и Пелистер. Овој меч според објавената програмска шема на сопствениот на ТВ правата, директно ќе биде пренесуван на каналот ТВ Арена Спорт 1.

По два дена ракометни преноси на Арена Спорт 7 која во Македонија речиси и да ја нема, денеска македонските фанови одново ќе можат да уживаат во ТВ преноси од најсилното европско клупско натпреварување - Лигата на шампионите. 
Македонскиот првак Пелистер е до дочека натпреварот каде што е реално да очекува бодови. Битолчани се на гости во данскиот град Одензе каде што домаќин ќе им биде екипата на Фредериција, данскиот тим кој доби вајлд карта на изненадување и на негодување на клубови со подолга евро-традиција што исто така аплицираа за место во ЛШ. 

Состојбата во групата во која игра Пелистер е таква што македонскиот тим и натаму има реална шанса да се пласира во нокаут натпреварите и да ја направи оваа сезона успешна, иако по шест натпревари има освоено само еден бод. 
Директните ривали, Фредериција и Висла Плоцк по шест меча имаат освоено само два бода, па оваа трка може да биде интересна, особено ако денеска битолчани стигнат до посакуваната победа и бодови.