Селекторот на машката сениорска репрезентација Кирил Лазаров го објави поширокиот список на ракометари за настап во квалификациите за ЕП 2026. 
Првите два дуела за Македонија се на 6 ноември во Скопје против Естонија и на 10 ноември против Литванија на гостински терен. 
Селекторот има проблем со повредени играчи, особено тоа се однесува за позицијата десно крило каде што браќата Ненад и Никола Костески се вон строј, а Мартин Поповски од приватни причини не може да настапи на овој турнир. 
Нема поголеми изненадувања во однос на тимот што играше во бараж плејоф со Фарски острови. Наскоро го очекуваме и скратениот список.