G-Sport во Клаипеда, Литванија
Ристо Ѓамовски

Валентин Карасманакис е еден од играчите со брз и голем развој, корисен во два правца и со физички предиспозиции со кој може на линијата да се бори рамноправно и со најзвучните дефанзивци или напаѓачи. 
Неговата улога во играта на Алкалоид станува поважна, довербата се зголемува и очекуваме, наскоро, (по)големи работи од него на теренот. 
Сега беше дел од тимот кој двапати ја совлада и елиминира Клаипеда Драгунас, а по натпреварот коментираше: 



„Одигравме еден тежок натпревар. Ја имавме нашата предност од првиот меч, но и покрај тоа знаевме дека противникот ќе даде 1000% затоа што игра пред својата публика. Нашата задача успеавме да си ја завршиме и да се пласираме во следната фаза. Имавме грешки на овој натпревар, но знам дека ќе ги поправиме на следните дуели кои ни следат. Овој меч во Литванија ни беше потежок од оној во Скопје“, изјави Валентин Карасманакис