Македонскиот вицепрвак Вардар 1961 денеска ќе го игра вториот меч од ЕХФ Европската лига, на гости во Германија кај екипата на Мелзунген. 
Натпреварот почнува во 18:45 часот, но засега во програмската најава на ТВ Арена Спорт која ги има правата за емитување и пренос на натпреварите од ЕХФ Европската лига, засега не е најавен овој натпревар. 

Најавените се ТВ преноси од дуелите на Војводина и Кил (18:45 час, ТВ Арена Спорт 2 Премиум), Севехов - Тулуз (18:45 час, ТВ Арена Спорт 2), Адемар - Горење (20:45 час, ТВ Арена Спорт 6) и Торелавега - Нексе (20:45 час, ТВ Арена Спорт 7). 

Дали ќе има промена во програмската шема на ТВ Арена Спорт во текот на денот, ќе видиме, според нашите информации се прават обиди да биде обезбеден ТВ пренос од настапот на Вардар во Германија и очекуваме обновена информација наскоро.

Натпреварот меѓу Мелзунген и Вардар ќе биде пренесуван на германската DYN и на ehftv платформата која од оваа сезона се наплаќа за гледање на онлајн натпревар.