Македонскиот вице првак Вардар 1961 денеска ќе го одигра својот прв европски натпревар сезонава. Во „Јане Сандански“ со почеток од 20:45 стартува дуелот меѓу македонскиот тим и актуелниот освојувач на ЕХФ Европскиот Куп, Валур Рејкјавик од Исланд. 
По двете исклучително лоши сезони (суспензија од ЛШ и елиминација во квалификации за ЕЛ), ова е шанса Вардар да почне да го враќа реномето во Европа, а првиот противник е „погоден“ за такво нешто. Во групата во која се Вардар и Валур се уште и екипите на Порто и Мелзунген, а два тима продолжуваат во следната фаза, која исто така ќе се игра по групи.

Вардар има сериозен хендикеп со повредата на Димитри Горига, но Вуко Борозан се враќа во форма и ќе ја покрие заедно со Петриќ и Николиќ левата бековска позиција на црвено-црните. Наскоро ќе бидат познати и составите за денешниот меч.


ЕХФ ЕВРОПСКА ЛИГА - ПРЕНОСИ
18:45  Флензбург - Сесвете (ТВ Арена Спорт 4)
18:45  Горење - ГОГ (ТВ Арена Спорт 1)
20:45  Нексе - Војводина (ТВ Арена Спорт 2 Премиум)
20:45  Вардар 1961 - Валур (ТВ Арена Спорт 1)