photo: RK Vardar

Голем хендикеп за скопскиот состав ќе биде подолго отсуство од терените на Димитри Горига (Хориха), украинскиот бек шутер на Вардар кој беше можеби и најдобриот играч на црвено-црните во тековната сезона. Тренерот Владо Недановски денеска информираше дека Димитри Горига има скината тетива на шутерската рака и морал на операција. Колку време ќе мине надвор од терените е отворено прашање, но со оглед на сериозноста на повредата, не би го очекувале повторно на терен во есенскиот дел од првенството.