Вечерва со почеток од 20:45 часот во Битола ќе гостува германскиот вицепрвак Фуксе Берлин. Тоа е екипа која неколку години се создава за да ја освои Бундеслигата и на двапати беше блиску до остварување на целта, но не успеа прва да мине низ финиш-линијата.
Годинава, како и да е, Берлин за прв пат ќе игра и во Лигата на шампионите. Долго се чекаше на Матијас Гидсел, Ласе Андерсон, Дејан Милосављев и Мијајло Марсениќ да се вратат или да се појават во елитното натпреварување.

Германците се големи фаворити на овој меч, битолчани се оптимисти дека можат резултатски да се носат со нив, повикувајќи се на минатото коло во кое тесно беа поразени во Париз.

Натпреварот почнува во 20:45 часот, а ова коло на ракометната ЛШ има хендикеп да се преклопува со фудбалската ЛШ.
Директен ТВ пренос од овој натпревар ќе има на ТВ Арена Спорт 3.


ВТОРО КОЛО
СРЕДА
18:45 Загреб – Алборг (TV Arena Sport 2)
18:45 Висла – Динамо Букурешт
20:45 Е. Пелистер – Фуксе Берлин (TV Arena Sport 3)
20:45 Нант – Келце

ЧЕТВРТОК
18:45 Веспрем - ПСЖ
18:45 Фредериција - Спортинг
20:45 Барса - Сегед
20:45 Магдебург - Колстад