Германскиот Билд објави дека Матијас Гидсел е на радарот на Флензбург кој наводно треба да испрати понуда за него во 2026 година. Флензбург под договор ги има Кај Смитс до 2025 и Никлас Киркелоке до 2027.

Дали е реално Берлин да го продаде својот суперстар и тоа на ривалски клуб?

На крајот на денот, прашањето нема да биде дали Берлин ќе сака, туку дали ќе мора. Овој клуб иако стигна и до ЛШ има потенок буџет од ривалите Кил, Флензбург, Магдебург и Мелзунген. Покрај тоа, Фуксе Берлин годинава го загуби и главниот спонзор и уште три други партнери, па доколку не успее да се стабилизира, продажбата на Гидсел би можела да биде реалност, посебно затоа што се очекува отштетата да биде рекордна.