Годинешната европска авантура на ГРК Тиквеш почнува утре со гостување во Грција. Кавадарчани добија валјд карта за настап во ЕХФ Европскиот Куп и приказната ја почнуваат од првото коло во кое противник ќе им биде грчката екипа Драма. 

Драма е екипа во која има тројца интернационалци, тоа се Белорусите Владимир Корсак (голман) и Микита Лашчаков (лев бек) и добро познатиот десен бек Никола Грубиќ од Србија кој лани настапуваше за македонскиот Охрид. 
Драма е ослабена во однос на минатата сезона затоа што од тимот си замина најдобриот стрелец во лигата минатата сезона и нивниот единствениот репрезентативец досега - Ахил Тоскас. Тој напредуваше кон Бундеслигата и сезонава ќе игра за Штутгарт. Грубиќ е неговата замена на позицијата десен бек. Покрај Грубиќ уште едно познато име дојде во Драма. Николаос Критикос, грчки репрезентативец кој игра на позицијата лев бек. 
Грчкиот клуб најави дека заинтересираноста за овој натпревар е голема, па нема да биде чудо ако кавадарчани играат и пред полни трибини. 
Нема да биде прошетка до плажа овој двомеч, но на кавадарчани им даваме поголеми шанси за пласман во второто коло, во кое пак, противникот ќе биде од Норвешка, екипата на Арендал. 

Мечот ќе почне во 18:00 часот, а ќе го суди познатата германска судиска двојка, браќата Рамеш и Суреш Тијагараџа. 

EHF European Cup Men 2024/25 round 1
Match pairing 1: (KOS) KH Kastrioti vs (BIH) RK Sloboda
Match pairing 2: (LUX) HB Dudelange vs (ITA) Raimond Sassari
Match pairing 3: (ITA) Pallamano Conversano vs (NOR) Drammen HK
Match pairing 4: (TUR) Köycegiz BLD SK vs (BIH) RK Leotar
Match pairing 5: (SLO) RK Jeruzalem Ormoz vs (LTU) Granitas-Karys
Match pairing 6: (LTU) HC Amber vs (AUT) HC Fivers WAT Margareten
Match pairing 7: (EST) Viljandi HC vs (ROU) CSM Bucuresti
Match pairing 8: (TUR) Spor Toto SK vs (CRO) RK Porec
Match pairing 9: (ITA) Black Devils Meran vs (GRE) Diomidis Argous
Match pairing 10: (GRE) Bianco Monte Drama 1986 vs (MKD) GRK Tikves 2014
(NOR) OIF Arendal Elite vs Winner of round 1 match pairing 10