Е. Пелистер го одигра својот најдобар период на турнирот во Добој во моментите кога ситуацијата на теренот изгледаше „безнадежно“ и со пресврт во последната четвртина од дуелот со Татабања стигна до победа (32-29) и шанса да го освои првото место во групата. 

Унгарскиот тим диктираше резултат на дуелот со македонскиот првак во поголемиот дел од натпреварот. Најчесто водеа со гол-два, на неколку наврати имаа и плус три гола. 
Така беше и сѐ до клучниот момент кога при водство од 23-20, Унгарците пропуштија многу шанси за плус четири. Битолскиот тим се консолидираше во тој период, а потоа следеше контра удар и за кратко време на семафорот беше плус два за Пелистер. 

Конечно, Пелистер победи 32-29 и денеска ќе има шанса да го освои првото место, а на патот ќе му стои екипата на Загреб. И Хрватите се вратија во игра за првото место по овој тримф на Пелистер, но за тоа ќе му биде потребна победа од четири гола разлика. 
Ако битолчани победат или ја одбранат потребната гол разлика, тогаш ќе се пласираат во финалето, а таму чека Ал Ахли од Египет. 

Таа средба се игра вечерва со почеток од 21:00 часот, а според најавената програмска шема, ќе биде пренесувана на ТВ Арена Спорт 7.