Денеска со ждрепка беа одредени групите и паровите за првиот дел од сезоната во Македонската Прва Лига. Осумнаесет екипи ќе учествуваат во новиот шампионат, поделени се во две групи со по девет екипи.
Овие групи ќе вкрстат во Плејоф и Плејаут во вториот дел од сезоната. Првите пет од секоја група одат во Плеоф, другите во Плејаут.
Вкупниот победник ќе се пласира во Суперлигата следната сезона, а второпласираниот тим ќе игра бараж за влез во најсилната конкуренција со екипата што во Суперлигата сезонава ќе го освои 11 место. 

Денешната ждрепка беше конфирмација за шпекулацијата што извесно време кружи во ракометните кругови. 
Од натпреварување се  откажа екипата на Голден Арт. Клубот важеше за добар ракометен проект во кој се работи квалитетно и се дава шанса на млади играчи е првата жртва, односно резултат на „концентрацијата на квалитет“ што ја заговараа бројни клубови и што на крајот доведе до кратење на лигата. Лани суперлигаш, годинава ќе ги нема на сениорската сцена. 

Другите екипи беа поделени во две групи кои подоцна ќе вкрстат во Плејоф и Пејаут. 


ГРУПА „А“ - Е. Пелистер 2, Мулти Есенс, Аеродром, Металург РА, Јехона, Овче Поле, Кичево, Астраион, Борец

ГРУПА „Б“ - Вардар (Н), Скопје 2020, Младост, Драчево, Македонија Ѓ. Петров, Шампион, Партизан, Текстилец, Преспа