photo credit: IHF/Kolektiff/ Sasa Pahic Szabo

Матијас Гидсел во моментов е најдобриот светски играч според постигнатите резултати и тешко дека во блиска иднина некој друг ракометар ќе може да се приближи до неговите остварувања. 
Откако се појави на големата сцена, а тоа беше на Светското првенство во Египет 2021, големите натпреварувања се во негов знак. 
Гидсел стана ол стар играч на СП 2021, ол стар играч на ЕП 2022, МВП на СП 2023, МВП на ОИ 2021 и 2024 и најдобар светски играч во избор на ИХФ за 2023. 
Покрај ова со 62-та постигнати гола на штотуку завршената Олимпијада е најдобриот стрелец, но тој стана и првиот играч што во исто време е најдобар стрелец на СП, ЕП и ОИ. Ваков хет-трик тешко дека може наскоро да биде повторен од кој било. 
Во неговата кратка и астрономски брза развојна кариера недостасуваат успесите од клупски план. Таму ќе има шанса со својот Фуксе Берлин годинава и во Лигата на шампионите да се докажува. Има само 25 години.