Два натпревари од првото коло од женскиот ракометен турнир на Олимписките игри во Париз веќе се одиграа. 
На првиот меч, репрезентацијата на Данска ја совлада Словенија (27-19), а веднаш по нив Холандија славеше победа над Ангола од 34-31.
Двата меча беа интересни за гледање и сосема солидни со квалитет, иако резултатски немаше поголеми возбудување со оглед на тоа дека Данска и Холандија постојано имаа контрола на ситуациите што се одвиваа на теренот кој има нова нијансирана светло сина боја и темно син голмански простор.
Денеска ќе е прилично едноставно да се гледаат натпреварите и нема да има потреба од специјално трагање по тв каналите. Во текот на денот ќе се одиграат уште четири натпревари од првото коло од женскиот олимписки турнир, а сите натпревари ќе бидат пренесувани директно на тв каналот Eurosport 1.

ДЕНЕСКА НА ОИ
Словенија - Данска (А) - 27-19 (14-11)
Холандија - Ангола (Б) - 34-31 (19-18)
14:00  Шпанија - Бразил (Б)
16:00  Германија - Ј. Кореја (А)
19:00  Унгарија - Франција (Б)
21:00  Норвешка - Шведска  (А)