photo credit: Slavko Kolar/RZS

Јуниорската репрезентација на Македонија ќе биде наградена од Ракометната федерација за впечатливиот настап и освоеното деветто место на Европското првенство до 20 години што се одржа во Словенија. 
РФМ ја продолжува воспоставената практика да ги наградува успешните настапи на нашите државни тимови и денеска ја објави висината на премијата за јуниорскиот тим. 


Управниот Одбор на Ракометната Федерација на Македонија, согласно Член 35, 59 и 60 од Статутот поради итност на донесување на одлука согласно Член 3 точка 11 “Одлука без присуство” од Законот за здружение и фондации (Сл. весник на РМ бр. 52 од 16.04.2010 год.) на ден 22.07.2024 година донесе одлука за доделување на парична награда.
Управниот Одбор на РФМ одреди парична награда во вкупна вредност од 1.000.000,00 денари за машката младинска ракометна репрезентација (стручен штаб и ракометари родени 2004 и помлади), за освојување на 9-тото место на Men’s 20 EHF EURO 2024 шампионатот во Словенија.