Photo credit: Slavko Kolar/ Rokometna zveza Slovenije

Репрезентацијата на Македонија до 20 години денеска ќе го одигра последниот меч од групната фаза во Средната рунда на Европското првенство што се одржува во Словенија. 

Нашиот тим за прв пат на шампионатот ќе се сретне со екипа од класата „капиталец“, репрезентацијата на Франција. Французите делат слична судбина со македонскиот тим. Во Прелиминарната фаза беа поразени од Топ фаворитот Шпанија, потоа победија на следните два натпревари, но тоа беше доволно само за разигрување од 9-16 место. Во групната фаза од Средна рунда, репрезентацијата на Франција ја совлада селекцијата на Полска со 14 гола разлика и Романија со пет гола разлика. 
Мечот меѓу Македонија и Франција сега нема вистинско резултатска тежина. Двата тима се пласирани во вкрстувањето од 9 до 12 место. Не може да се калкулира ниту со евентуален избор на „полесен“ противник за следниот меч, затоа што расплетот во другата група е дури вечерва. 

Натпреварот ќе почне во 12:00 часот, а ќе можете да го следите на следниот линк:

12:00  МАКЕДОНИЈА - ФРАНЦИЈА