Селекторот на Франција, Гијом Жил го соопшти конечниот 14+3 состав за настап на претстојните Олимписки игри во Париз. Каква е конкуренцијата во Франција можеби најдобро говори податокот дека од тимот веќе отпаднаа Кентан Мае и Тимоти Н'Гесан, а селекторот мораше да направи ново кратење. 
Последни отпаднаа, односно се во списокот на резерви голманот на Кил, Беласен, потоа плејмејкерот Мин и можеби најголемото изненадување - Николас Турна, новата играчка аквизиција на Нант. 
Лудовик Фабрегас, Лука Карабатиќ и дефанзивецот Карл Конан се пред Турна на списокот. 
На ОИ измени во составот се можни само доколку некој играч се повреди.