Српскиот шампион Војводина следната сезона преку квалификации ќе се обиде да стигне до групната фаза од ЕХФ Европската лига, затоа што рејтингот на нашите северни соседи е толку низок што немаат директно место во вториот по сила европски куп.
Војводина минатата сезона беше блиску и до елиминациите во Европската лига, а сезонава направи неколку поголеми играчки промени.
Грегор Оцвирк, словенечкиот бек кој своевремено како суперталентиран јуниор пристигна во Скопје и играше за Вардар е дел од играчките промени во Војводина. Тој беше таму две и пол години пред да добие понуда од Ал Аин (ОАЕ) што беше прифатена и од него и од клубот и сезоната ја заврши на Блискиот исток.
Следната сезона ќе игра во Унгарија. Потпиша договор со екипата на ПЛЕР.