Врњачка бања е тренерскиот центар на Балканот деновиве. Таму се одржува семинар под капата на ЕХФ на кој се добиваат и обновуваат лиценците од највиосоката категорија, Мастер Тренер. 
Овие лиценци се обновуваат на четири години, а летово редот дојде и на дел од македонските тренери, па така во Врњачка бања со таква мисија се Данило Брестовац, Томе Петрески, Никола Матлиески, Александар Јовиќ, Симе Симовски, Борче Марковски, Бранко Ангеловски, Владимир Глигоров и Аце Станковски. 

Предавачи на семинарот меѓудругите се и два познати лица од ЖРК Вардар, а тоа се Ким Расмусен и Давид Дејвис, новиот тренер на Динамо Букурешт.