Екипата на Бутел Скопје денеска претстави нов играч за следните две години. Теодор Тодески, лев бек кој минатата година ги бранеше боите на Мулти Есенс, a претходно играше и за Алкалоид и Металург е новата аквизиција на овој скопски клуб.
Тодески е второто ново име во Бутел Скопје, претходно го претставија Пикерот Драган Шољиќ, од екипата заминаа Владимир Јевтиќ, Стефан Крстевски, Томче Стојановски и Кристијан Василевски.