foto: RK Alkaloid

Ракометната сезона 2023/24 влегува во својата последна етапа. Жестокиот финиш во битките за титули во националните првенства ќе биде збогатен со битките со ист таков влог низ Европа. 
По крунисувањето на Сторхамар во ЕХФ Европската лига жени и екипата на Елче во ЕХФ Европскиот Куп во женска конкуренција, викендов ќе биде доделен и првиот машки пехар.
Денеска во Атина се игра финалето на ЕХФ Куп меѓу Олимпијакос и Валур. Исландскиот тим има четири гола предност од првиот меч.

Во Хамбург ќе се одржи годинешниот Фајналфор турнир на кој играат три германски екипи и романскиот Динамо Букурешт. Романците во полуфиналето ќе се сретнат со Флензбург, другиот полуфинален пар е РНЛ - Берлин. 
Динамо Букурешт, хендикепиран, нема го нема денеска во составот Лука Циндриќ, додека на спротивната страна, Николај Крицкау го има целиот тим на располагање плус повртаникот, Кај Смитс кој доби дозвола за настап по здравствените проблеми што ги имаше. 
Овој натпревар почнува во 15:00 часот, а од 18:00 часот играат Берлин и Рајн Некар Ловен. 
Ако случајно не успеете да резервирате место пред ТВ во дадените термини, поправен има во 20:30 и 22:00 часот со коментар на македонски јазик на МТВ - 3. 

„Ф4“ НА ЕХФ ЕВРОПСКАТА ЛИГА
15:00  ФЛЕНЗБУРГ - ДИНАМО (Б) - ТВ Арена Спорт 3 (снимка на МТВ 3 од 20:30)
18:00  БЕРЛИН - РАЈН НЕКАР - ТВ Арена Спорт 3 (снимка на МТВ 3 од 22:00)
19:00  ОЛИМПИЈАКОС - ВАЛУР - ТВ Арена Спорт 5

Ако не знаевте: ЕХФ Европската лига датира од 1981 година кога се играше под името ИХФ Куп и прв победник е Гумерзбах кој во финалето го совлада Желзезничар Сараево со 23-14.
ИХФ Куп стана ЕХФ Куп во 1993/94 година и прв победник стана шпанската екипа Алзира Авидеса од Валенсија, екипа што се распадна една година подоцна. 
Во сезоната 2012/13 беше променет форматот и беше воведен Фајналфор турнир. Прв победник на Ф4 е Рајн Некар Ловен. 
Во сезоната 2020-21, ЕХФ Куп се ребрендираше и стана ЕХФ Европска Лига со Фајналфор завршница, а прв побендик стана Магдебург. 

Ако не знаевте: Од почетоците на ИХФ Куп до денеска, дури 26 пати ова натпреварување го освојувале германски екипи, пет пати триумфирале шпански екипи, три пати тимови од СССР... 
Најуспешни екипи се Магдебург, Гепинген и Кил со по четири триумфи, Берлин има три и шанса годинава да се приклучи на ова друштво.